Canllaw ar ddefnyddio’r Porthol Cynllunio Morol

Tabl Cynnwys

Trosolwg
Defnyddio'r map
Ychwanegu haenau at y map
Dangos Gwybodaeth Benodol
Tynnu a Mesur ar y Map; Archwilio'r Data
Argraffu eich Map
Gwybodaeth Ychwanegol

1. Trosolwg

Bydd y Porthol Cynllunio Morol yn edrych yn debyg i’r llun isod pan fyddwch yn ei agor am y tro cyntaf.

Dyma brif elfennau’r rhyngwyneb defnyddiwr:

Chwyddo mewn/allan: Chwyddo i mewn ac allan o’r map;
Chwilio Lle/Cod Post: Chwilio am lefydd trwy ddefnyddio cod post, enw lle, neu nodweddion morol;
Chwyddo i faint Cymru: Dangos Cymru gyfan ar y map;
Argraffu: Argraffu golwg y map cyfredol;
Opsiwn i newid y map sylfaenol;
Ychwanegu pwynt/llinell/polygon seiliedig ar gyfesurynnau;
Mesur Ardal/Chwilio Gofodol;
Bar graddfa;
Cyfesurynnau canol y map (gellir eu newid);
Targed i ganolbwyntio ar ganol y map;
Tabl Haenau, lle gallwch ychwanegu rhagor o fanylion at y map;
Dolenni i’r Dudalen Gymorth hon a rhagor o wybodaeth am Gynllunio Morol a thystiolaeth.

Mae esboniad isod ynghylch sut i ddefnyddio pob un o’r eitemau hyn.

I'r brig

2. Defnyddio’r map

Mae’r map yn syml i’w ddefnyddio (mae’n debyg iawn i Google Maps):

Llaw yw’ch eicon arferol (saeth ar Interner Explorer), a thrwy glicio a’i dal unrhyw le ar y map, gallwch “Afael a phanio” , i dynnu’r map ar draws y sgrin. Defnyddiwch yr olwyn ar eich llygoden i chwyddo i mewn ac allan;
Cadwch eich bys ar y fysell shift a chlicio ar y map i dynnu hirsgwar er mwyn chwyddo mewn i ran arbennig o’r map;

Mae offer eraill y gallwch eu defnyddio hefyd:

Defnyddiwch y botwm plws/minws i chwyddo a lleihau'r map o faint penodol;
Cliciwch ar eicon Cymru i fynd yn ôl i'r map o Gymru gyfan;

Chwilio

Wrth ddechrau teipio enw lle e.e. Helwick Channel yn y blwch Chwilio, fe welwch restr o lefydd ichi ddewis ohonyn nhw. Gallwch chwilio gan ddefnyddio'r Cod Post, y lleoliad neu'r nodwedd forol. Bydd y lle rydych chi'n chwilio amdano yn ymddangos yng nghanol y map.

Offer Eraill

Yng nghornel dde isaf y map, fe welwch ragor o offer:

Mae bar graddfa i ddangos graddfa’r map yn y ffenest fapio;
Teipiwch gyfesurynnau Hydred a Lledred i'r map allu canoli ar y lleoliad hwnnw;
Bydd eicon Targed yn ymddangos yng nghanol y sgrin ond wrth symud sgrin y map, fe welwch gyfesurynnau newydd canol y map yn y blychau Lledred/Hydred i'ch helpu i gael hyd i'r pethau rydych yn chwilio amdanyn nhw.

I'r brig

3. Ychwanegu haenau at y map

Pan fyddwch chi'n agor y porthol, dim ond y map sylfaenol welwch chi ac ni fyddwch yn gallu gweld haenau eraill.

Mae'n bosib gweld hyd at 50 o haenau ar y tro.

Bydd nifer yr haenau sy'n agored wedi'u nodi ar dop y Tabl Haenau.

Gallwch gau'r haenau sydd ar agor trwy glicio ar y botwm clearlayer .

Mae'r Tabl Haenau'n dryloyw fel arfer, er mwyn ichi allu gweld y map oddi tano.

Wrth symud saeth y llygoden dros y Tabl Haenau, mae’r tabl yn troi’n afloyw er mwyn ichi allu gweld ei gynnwys yn gliriach.

Gallwch finimeiddio neu facsimeiddio'r tabl haenau trwy glicio ar yr eiconau hyn resize_small resize_full

Mae haenau’r map wedi’u grwpio’n gategorïau gwahanol.

Mae pob categori wedi'i rannu'n is-haenau sy'n dangos Tystiolaeth sy'n ymwneud â Chynllun Morol Cenedlaethol Cymru neu lefelau data gwahanol o fewn y Polisi.

Gallwch weld yr holl haenau data, neu’r data Polisi neu Dystiolaeth yn unig, trwy glicio ar y botymau bach ar frig y Tabl Haenau.

Mae pob haen data naill ai'n ymdrin â Pholisi Morol neu Dystiolaeth.

I weld yr haenau sy’n perthyn i bennawd y grŵp, cliciwch ar y pennawd e.e. Yr Amgylchedd > Ecolegol > Cynefinoedd.

Os ydy'r saeth yn amlinell ddu , gallwch glicio arni i weld holl haenau'r grŵp.

Os ydy'r saeth yn ddu i gyd , mae haenau'r grŵp eisoes yn cael eu dangos.

Ar ôl dangos haenau'r grŵp, gallwch ddewis yr haen unigol rydych am ei gweld ar y map. Cewch ddewis mwy nag haenen ond byddwch yn ofalus gan y gall gormod o wybodaeth ar y map fod yn ddryslyd.

I dynnu haenen o’r map, tynnwch y tic o’r blwch wrth yr haenen rydych am ei thynnu.

I guddio haenau'r grŵp, cliciwch ar y pennawd eto.

Chwilio am Haenau Data

Os oes gennych amcan beth yw enw neu’r math o ddata rydych yn chwilio amdanynt e.e. ACA, rhowch y term yn y blwch chwilio.

Wedi ichi deipio’ch gair allweddol a gwasgu ‘enter’, caiff unrhyw haenen sydd â’r term hwnnw yn ei deitl ei rhestru isod;

Gallwch ychwanegu pob haen yn y rhestr at y map trwy glicio ar y blwch.

Nodiadau Haenau Data

Wrth nifer o'r haenau data, mae botwm 'nodiadau' invo_ocon sy'n rhoi gwybodaeth ychwanegol am bob haen (y 'metadata').

Disgrifiad byr o'r haen;
Pwy greodd a phwy sy'n berchen ar y data;
Pryd y cafodd y data eu creu;
Nid Llywodraeth Cymru sy’n gyfrifol am y rhan fwyaf o’r data ar y Porthol Cynllunio Morol. Trydydd parti sydd yn gyfrifol amdanynt.
Rydyn ni’n eich cynghori i ofyn i berchennog y data ynghylch ailddefnyddio, hawlfraint ac ati ac i ddweud os ydych wedi gweld camgymeriadau.

Allwedd

Ar ôl ichi agor haen data, bydd allwedd yn ymddangos yng nghornel chwith isaf ffenest y map.

Yn yr enghraifft hon, mae'r haen Ardal Adnoddau Ddyframaethu wedi'i hagor a dangosir categorïau lliw'r data.

Bydd eitem ar gyfer pob un o'r haenau data sydd ar agor.

Fel y Tabl Haenau, gallwch finimeiddio'r ffenest trwy glicio ar yr eiconau hyn resize_small resize_full

Wrth bennawd pob haen, mae 'llithrwr' â botwm glas i reoli pa mor eglur y mae pob haen sydd ar agor.

Mae clicio ar y botwm a'i lithro o'r dde i'r chwith yn gwneud yr haen yn llai eglur, er mwyn ichi allu gweld yn gliriach unrhyw wybodaeth allai fod oddi tani.

Diben eicon y llygad yw ichi allu cuddio'r haen heb ei chau.

Cliciwch ar yr X i dynnu'r haen o ffenest y map.

Mae'r eicon zoom_extent yn eich galluogi i chwyddo i faint llawn yr haen.

I'r brig

4. Dangos Gwybodaeth Benodol

Os ydych am weld gwybodaeth fwy manwl am yr ardal rydych wedi’i dewis ar y map, beth yw gwerthoedd y setiau data ac unrhyw ddata ychwanegol, cliciwch (gyda botwm chwith y llygoden) ar y map ac fe welwch ddeialog Gwybodaeth.

Yn yr enghraifft hon, gallwch weld disgrifiad o'r set ddata am yr Ardal Adnoddau Dyframaethu.

Mae gwybodaeth am y set ddata, y polisïau sector sy'n gysylltiedig â hi a gwybodaeth am bolisi’r sector.

Gallwch lusgo'r blwch gwybodaeth o gwmpas y sgrin er mwyn ichi allu gweld y data sydd oddi tano trwy glicio ar far uchaf y blwch a'i ddal.

Dilëwch y blwch gwybodaeth trwy glicio ar y botwm Cau.

I'r brig

5. Tynnu a Mesur ar y Map;

Archwilio’r Data.

Tynnu Pwyntiau, Llinellau a Pholygonau

Mae'r teclyn Ychwanegu Pwynt/Llinell/Polygon seiliedig ar gyfesurynnau yn eich galluogi i dynnu siâp ar y map trwy ddefnyddio cyfesurynnau Hydred a Lledred neu gyfesurynnau Grid Cenedlaethol Prydeinig.

Yn gyntaf, dewiswch y system gyfesurynnau yr hoffech ei defnyddio, gan ddewis naill ai OSGB (ar gyfer Dwyreiniadau a Gogleddiadau Grid Cenedlaethol Prydeinig) neu Lat/Lng (ar gyfer Hydred a Lledred).
Bydd angen troi cyfeirnodau Grid Cenedlaethol sy’n dechrau â dwy lythyren yn Ddwyreiniadau a Gogleddiadau, ee bydd ST 21227 78273 yn troi’n 321227, 178273. Ceir rhagor o wybodaeth am droi cyfeirnodau Grid Cenedlaethol yn Ddwyreiniadau a Gogleddiadau yma.
Gallwch chi deipio cyfesurynnau ar gyfer un pwynt yn y blychau sydd ar gael.
Er mwyn tynnu llinell neu bolygon, bydd angen i chi glicio ar y symbol plws er mwyn ychwanegu parau o gyfesurynnau ychwanegol.
Gallwch chi ddileu pâr o gyfesurynnau trwy glicio ar y symbol minws, os oes rhaid.
Os hoffech chi labelu eich siâp gyda chyfesurynnau pob pwynt, ticiwch Cynnwys Labeli Nodau.
Wedi teipio'r cyfesurynnau i gyd i mewn, cliciwch ar y botwm Tynnu i ychwanegu eich siâp i'r map.
Cliciwch Dileu i ddileu eich siâp.
Cliciwch Cau i adael y teclyn.
Rhaid cymryd gofal i roi'r cyfesurynnau mewn trefn benodol (e.e. clocwedd) neu gall canlyniadau annisgwyl ddigwydd.

Mesur Arwynebedd a Chwiliadau Gofodol

Mae'r teclyn Mesur Ardal/Chwilio Gofodol yn eich galluogi i fesur pellter, mesur arwynebedd neu chwilio am haenau polisi sy'n berthnasol i ardal benodol.

Cliciwch ar y botwm Chwilio/Mesur i ddechrau ychwanegu pyntiau i'r map.

Cliciwch ar y map (gyda botwm chwith y llygoden) i ychwanegu eich pwynt cyntaf. Bydd cyfesurynnau eich pwynt yn ymddangos yn y teclyn.
Wedi ychwanegu ail bwynt, bydd hyd eich llinell hefyd yn cael ei ddangos yn y teclyn.
Wedi ychwanegu trydydd pwynt, byddwch chi hefyd yn gweld arwynebedd eich polygon.
Daliwch ati i ychwanegu rhagor o byntiau, hyd nes y byddwch wedi diffinio eich ardal o ddiddordeb.
Cwblhewch y polygon trwy ddwbl glicio botwm chwith eich llygoden neu drwy glicio ar y botwm Gorffen

Gwelwch chi flwch crynodeb ar eich polygon.
Gallwch chi wedyn ail-ganoli'r map ar eich ardal o ddiddordeb, dileu eich polygon, neu chwilio am haenau polisi sy'n berthnasol i'ch ardal o ddiddordeb.

Mae hi'n gallu cymryd tipyn o amser i chwilio am haenau polisi.
Ar ôl gorffen chwilio, bydd blwch canlyniadau’n agor, yn dangos yr haenau polisi sy'n berthnasol i'r ardal chwilio.
Defnyddiwch y blychau ticio i ddewis yr haenau yr hoffech eu hychwanegu at y map, wedyn cliciwch ar Ychwanegu i'r map.
Bydd yr haenau rydych chi wedi eu dewis yn ymddangos ar y map.

I'r brig

6. Argraffu

I argraffu ffenest y map, cliciwch ar fotwm yr argraffydd.

Bydd dewislen yn agor gan ddangos yr opsiynau argraffu sydd ar gael ichi ac ichi gael argraffu ‘Portrait’ neu ‘Landscape’;

I ddewis maint y papur (A3/ A4);

Ac i ddewis teitl y dudalen.

Wrth bwyso ar y botwm Argraffu, fe welwch ffenest yn dangos rhagolwg o’r dudalen y byddwch yn ei hargraffu.

Gallwch ‘Afael a Phanio’ ffenest y map fel bod y ffenest yn dangos y rhan o’r map sy’n well gyda chi, ac i chwyddo i mewn ac allan.

Yna, pwyswch ‘Ctrl+P’ i weld y ddeialog argraffu.

Mae pob Porwr, boed Internet Explorer, Firefox, Safari ac ati, yn trin gwaith argraffu mewn ffordd wahanol.

Gall fod yn ddefnyddiol iawn argraffu’r map i ffeil pdf, er mwyn ichi allu ei rhannu’n hawdd ar e-bost er enghraifft.

Ni fydd pob Porwr yn gallu cynnig hynny ac efallai y bydd angen ichi fewnosod ap ‘plug-in’ neu estyniad i’ch porwr e.e. Adobe Acrobat.

Mae'r sgrin lun yn dangos enghraifft ar gyfer argraffu yn Google Chrome.

Ar ôl ichi argraffu/arbed map eich ffenest, gallwch fynd yn ôl i brif dudalen y Map trwy glicio ar y botwm cancel_icon ar gornel dde uchaf y dudalen.

I'r brig

7. Gwybodaeth Ychwanegol

Ar draws top y dudalen, gwelwch ragor o wybodaeth a dolenni i dudalennau cysylltiedig ar gynllunio morol.

Hafan

Bydd y ddolen hon yn mynd â chi yn ôl i dudalen hafan y Porthol.

English

Aiff y ddolen hon â chi i fersiwn Saesneg y wefan.

I'r brig