Lle

Fel rhan o ymrwymiad y DU i’r Confensiwn ar Amrywiaeth Fiolegol yn 1992, y Confensiwn OSPAR a’r Ddeddf NERC, cafwyd nifer o fentrau er mwyn nodi’r rhywogaethau a’r cynefinoedd hynny y gallai eu poblogaethau yn y DU fod dan fygythiad, ac er mwyn creu cynlluniau i leihau’r bygythiadau hynny a chynnal bioamrywiaeth. Mae’r rhestr yn cynnwys holl flaenoriaethau Cynllun Gweithredu’r DU ar Fioamrywiaeth ar gyfer y môr, yn ogystal â chynefinoedd a rhywogaethau ychwanegol i adlewyrchu’r rheini y mae angen cymryd camau cadwraethol yn eu cylch yng Nghymru. Ar gyfer data pob rhywogaeth a chynefin, fe ddylai gynnwys map o’u dosbarthiad o amgylch arfordir Cymru a thestun ategol â gwybodaeth am eu hecoleg, eu prinder, eu gwarchodaeth ddeddfwriaethol, yr enghreifftiau ohonynt ar safleoedd statudol a’r bygythiadau y gwyddys amdanynt. Mae’r set ddata wedi’i llunio o gasgliad o setiau data sydd wedi’u diweddaru drwy’r blynyddoedd. Roedd y setiau data hyn yn ymwneud â rhywogaethau a chynefinoedd morol sydd o bwysigrwydd cadwraethol i Gymru.

Cydnabyddiaeth

Yn cynnwys gwybodaeth Cyfoeth Naturiol Cymru © Cyfoeth Naturiol Cymru a Hawl Cronfa Ddata. Cedwir pob hawl. Yn cynnwys data Arolwg Ordnans. Rhif Trwydded Arolwg Ordnans 100019741. Hawlfraint y Goron a Hawl Cronfa Ddata. Yn deillio’n rhannol o ddata a ddarparwyd o dan drwydded gan Arolwg Daearegol Prydain © NERC