Lle

Roedd gofyn i Lywodraeth Cymru o dan y Gyfarwyddeb Sŵn Amgylcheddol baratoi mapiau sŵn yn 2012 ar gyfer priffyrdd, prif reilffyrdd a heolydd, rheilffyrdd a diwydiant mewn crynodrefi. Mae’r pecyn data hwn yn cynnwys yr holl ffiniau lefelau sain a gyfrifwyd yn 2012, mewn bandiau o 5 desibel “wedi’u pwysoli ag A”. Ceir ynddo ddata gofodol hefyd am y ffynonellau gafodd eu modelu (y priffyrdd, y prif reilffyrdd, crynodrefi a safleoedd diwydiannol mewn crynodrefi) ac ardaloedd dynodedig sy’n berthnasol i gynlluniau gweithredu ar sŵn. Mae’r mapiau ar fin cael eu hadolygu ac efallai y caiff rhai eu hadolygu yn 2017.

Pwysig: (1) Er bod y Gyfarwyddeb yn eu disgrifio fel mapiau sŵn, byddai mapiau sain yn enw cywirach. Mae’r term sŵn yn cyfeirio at sain diangen neu niweidiol. (2) Amcangyfrifon, nid mesuriadau yw’r gwerthoedd a dylid eu trin yn ofalus mewn cysylltiad â lleoliadau penodol. (3) Mae ymateb pobl i sŵn diwydiannol yn dibynnu’n fawr ar natur y sain sy’n cael ei glywed a faint ohono y mae traffig ffyrdd yn ei guddio. Nid yw’r mapiau sŵn diwydiannol yn adlewyrchu’r ffactorau hyn sy’n golygu mai ychydig o werth ymarferol sydd iddynt i reoleiddwyr.

Mae mwy o manylion ar gael yma